Partesipante sa Philippine Add Congress sa Camarines Sur, nanakawan ng mamahaling gadgets?

Naga City- Muli na namang umiral ang pagsasamantala ng ilang kawatan sa Naga City sa ginagawang ika 22 Ad Congress sa naturang lalawigan, ito ay batay sa report ng Naga City PNP, na kung saan naitala ang kaso ng pagnanakaw sa ilang partesepante sa naturang aktibidad.

Ayon kay Mr. Jade Calapatia, 25 anyos na nagmula pa sa Olongapo City, at kasalukuyang naka check inn sa Sampaguita Tourist Inn, lumabas lamang umano siya saglit sa kaniyang kwarto para sa isang importanteng kausap subalit ng siya ay bumalik sa kaniyang kwarto ay napansin nito na wala na ang kaniyang pouch bag na naglalaman ng kaniyang mamahalin na apple i-pad.

Naging palaisipan naman sa mga pulis kung saan dumaan ang nasabing magnanakaw dahilan sa wala namang senyales ng sapilitang pagpasok sa naturang kwarto, particular sa Room 202 ng naturang Hotel.

Dahilan nito, plano ng mga awtoridad particular ng Naga City PNP na tingnan ang laman ng CCTV ng naturang Hotel para malaman kung paano nakapasok o saan dumaan ang naturang magnanakaw kung mayroon man.