Legazpi City- Tila malaking insulto sa hanay ng militar ang pagkakadiskubre sa isang bangkay malapit sa detachment nito sa Barangay Bascaran sa bayan ng Daraga,Albay na hinihinalang ginahasa muna bago pinatay.
Ang biktima ay kinilala na si Laizebel Almunacid, 19 anyos at estudyante ng Bicol University at residente ng naturang baranggay. sa inisyal na pagsisiyasat ng mga awtoridad at SOCO, malaki ang posibilidad na ito ay ginahasa muna bago pinatay dahilan sa wala na itong saplot sa katawan ng matagpuan ng kaniyang step father kaninang umaga lamang.
Ayon sa mga saksi, si Laizebel ay huling namataan dakong alas 6:00 kagabi matapos na ito ay bumisita sa kaniyang mga kaanak sa hindi lamang kalayuan mula sa kinatagpuan ng kaniyang bangkay, nagtataka naman ang mga awtoridad partikular ang Daraga PNP kung bakit wala man lang nakapansin sa nangyari sa biktima gayung napakalapit lamang nito sa detatchment ng mga militar na nakabase sa lugar.
Dahilan nito, agad nag utos si PNP Provincial Director William Macaventa na mas pang palalimin ng mga awtoridad ang imbestigasyon para matukoy kung sino nga ba ang posibleng may kagagawan sa naturang krimen.
Walang komento:
Mag-post ng isang Komento