HUSTISYA ANG SIGAW NG KABATAANG ESTUDYANTE NG BICOL UNIVERSITY SA KARUMAL- DUMAL NA PAGPASLANG KAY LAESYBIL

Ni: Rhonna C. Ricafort

Daraga Albay-Sumisigaw ng katarungan ang Pamilya Almunacid at ang mga kabataang estudyante sa Bicol University sa walang awa at karumal dumal na pagpaslang kay Laesybil Almunacid na hinihinalang hinalay muna bago ito pinatay.

Si Laesybil Almunacid 19 anyos ay isang mag-aaral ng Bicol University at nasa ikatlong taon ng pagkuha ng kursong BS Accountancy sa College of Business, Economics and Management (CBEM). natagpuan ang kaniyang bangkay na walang saplot sa ibabang bahagi ng kaniyang katawan na dahilan upang maghinala ang mga imbestigador na posibleng ito ay ginahasa muna bago pinaslang.

Ang bangkay ng Biktima ay natagpuan sa barangay San, roque, Bascaran Daraga, Albay, hindi kalayuan sa kanilang bahay, at higit na mas malapit sa detachment ng militar na nakabase sa lugar. Ang pagkamatay ng biktima ay pumukaw sa kapwa niya mag-aaral at sa mga kabataang estudyante sa Albay na makiisa para sa paghahanap ng hustisya.

Ang buong kabataang estudyante ng Bicol University ay nakiramay sa pagluluksa ng pamilya ng biktima, at nakikiisa sa pagkundena sa walang awang pagpaslang sa kanilang kapwa kabataang estudyante, bumuo na rin ng text brigade ang mga ito at maging ang Social Networking sa Facebook ay ginamit na ng mga kabataang estudyante para sa paghahanap ng katarungan para sa kanilang kapwa mag aaral.

Samantala, kaugnay nito, nagpalabas na rin ng opisyal na pahayag kanina petsa 2, ng kasalukayang buwan ang mismong presidente ng Bicol University na si Dr.Fay Lea Patria M. Lauraya bilang pakikiramay sa pamilya ng biktima, at ganun din ang pagkundena sa karumal dumal na krimen, nanawagan din ang presidente ng BU sa mga awtoridad na paigtingin ang pag iimbestiga para sa mas mabilis na pagkamit ng Hustisya para sa biktima.

///