1 na namang Dalaga, natagpuang patay sa Central City, sa Legazpi City

Legazpi City- Muli na namang naulit ang isang karumal dumal na krimen na ikinagulat ng mga Albayano kaninang umaga sa pagkakadiskubre sa bangkay ng dalaga na nakilala sa pangalan na Maria Sarrah Aragon ng Central City Subd, Legazpi City.

Itinuturing ng mga awtoridad na Crime of Fashion ang naturang krimen, na kung saan mismong ang boyfriend at ex boyfriend ang siyang pangunahing suspek sa pagpatay kay Maria sarrah Aragon. Si Aragon ay katatapos pa lamang sa kaniyang pag aaral nitong nakaraang taon sa AMA Computer College sa Legazpi, at ito ay kasalukuyang naghahanap ng trabaho.

Ayon sa mga kapamilya ng biktima, dakong alas dose kagabi ng lumabas ang naturang biktima para kausapin ang kaniyang Ex Boyfriend na nakilala sa pangalang Vicente Natividad 34 anyos ng Taysan, Legazpi City, na nasa labas ng kanilang bahay. Narinig pa umano ng mga kapamilya nito na nag uusap ang dalawa at tila mayroong pagtatalo habang nag uusap ang biktima at ang suspek.

Kinaumagahan ay nagulat na lamang sila ng wala sa kwarto ang biktima, at higit na ikinagulat nila ng sa hindi kalayuan sa kanilang bahay ay mayroong pinagkakaguluhan na isang bangkay ng babae na agad naman nilang nakilala dahil sa kasootan nito.

Agad namang inimbitahan ng mga awtoridad ang mga pangunahing suspek para sagutin ang mga katanungan para sa ikakalutas ng nasabing krimen.

Samantala, nangako naman ang pamunuan ng PNP Provincial Command sa pangunguna ni Provincial Director P/Supt, Welliam Macaventa na kanilang paiigtingin ang kanilang ginagawang imbestigasyon para sa mabilis na paglutas ng naturang kaso.